నా ఊహ మబ్బును నీవు
మేలిముసుగును చేసి
వెన్నెలై కదులుతూ..
రెప్ప వెనకనే
జలధి దాచ చూసేవా.. ?

నీ కంటికంటిన తడులు
తా తలపు తడిమిన మెరుపు
మాట కరువై మిగిలె
పిడుగు పాటు.

.

`

నేను కాంచిన చిత్రమిది, నా కనులు నోచిన భాగ్యమది
చిత్తరువునై నివ్వెరపడిన నిమిషమది, చిత్రంగా మలచిన దృశ్యమిది.
పరమాత్ముని కరద్వయము జాలువార్చిన జ్ఞానాంబుధి,
ఫల పుష్ప సామ్యమైన తరుణి, నోముఫలముగ పొందిన వరమది.

`

జీవన యోగం

వైరాగ్యమను ప్రమిదలో భక్తి అనే తైలము తో, వత్తి ని ఏకాగ్రత గా జేసి ఆత్మవిచారణ అనెడి దీపాన్ని నాలో వెలిగింప జేసిన, పాపాన్ని నశింపజేసిన, జ్ఞానాన్ని ప్రసాదిస్తున్న ఆ దివ్యతేజానికి నమస్కరిస్తున్నాను.

@ ఉష
అజ్ఞాన తిమిరం అందనంత దూరాన విడిచేసా
సజ్జన సాంగత్యం అల్లంతన కనగానే చేరువైపోయా
ఉత్తమ గురుకైంకర్యం గ్రక్కున సాధించా
విముక్తి ద్వారం ఆవలి ప్రక్కకి అడుగేసేసా
ధ్యాన సహితంగా సాధన చేస్తున్నా
చక్షువు కనని ప్రాప్తాలు యోగాన కనుగున్నా
జీవనమే చమురుగా జైతయాత్ర చేస్తున్నా
పరమాత్మ ఉనికిని అందందు కనుగున్నా
జగదాధార మూర్తికి దాసోహమన్నా
విశ్వమంతా చలువనింపు వెన్నెలజ్యోతికి నాచేతనైన వెలుగుని పంచా..
.

కుల, మత, లింగ, వయో బేదము లేకుండా భవరోగం అనుభవిస్తున్న జీవరాసులకి అనేక సద్గుణములు చిగుళ్ళు గా కల్గి జన్మరాహిత్యాన్ని దు:ఖరాహిత్యాన్ని, అమూల్యమైన మోక్షాన్నిచ్చే భగవద్గీతా కల్ప వృక్షం అనే మహత్తర దివ్వ్యౌషధము ప్రసాదించిన కోట్లానుకోట్లసంవత్సరాలుగా నిలిచి వున్న అఖండమైన శక్తి ‘పరమాత్మ’ కు నమస్కరిస్తున్నాను.

మాతృమూర్తి

click the image to get enlarge

నీ ప్రేమకై ...

నీ ఊహల నీడల మాటున
ఆ ఊసులు కూర్చిన స్వరమున
నా రోదన గాధను పాటగ
నీ తోడు కోరకై పాడనా

నీ జ్ఞాపకాల కలము చేసిన
గుండె గాయము మానునా
నీ తోడు కోసం మనసు పెట్టిన
ఈ రుధిర ధారలు ఆగునా !! ... నీ ఊహల

నా పాట ఈరోజు సావేరిగా సాగె
నీకోసమర్ధించు వరాళి గా మారే
నా ప్రేమ పైనీకు కినుకెందుకే దేవి
వ్యధనుండి నాకింక ముక్తెప్పుడే దేవి !! .. నీ ఊహల

.

కలలు-కన్నీళ్లు

కలగంటున్న యెదగల హితుడవు
వలదంటున్నా కదలని తపనవు
వ్యర్ధం అన్నా వదలని గోడువి
అభ్యర్ధనకూ కరగని వాడివి

హృదయం ఉన్నా పంచగ లేనని
పరిమితులేవో నాకూ గలవని
చెప్పిన మాటలు పెడచెవి పెడితివి
ఇచ్చిన అలుసును తప్పుగ చూస్తివి

ఇప్పుడు చూడు ఏమయ్యిందో
కురులే ఉరిగా బిగిసిన కంఠం
బంగరు బహుమతె నీ బలి పీఠం
నా చెక్కిలి చెప్పెగ నాకో పాఠం

ప్రేమే నాపై నిజముగ ఉంటే
చేసిన వినతులు నువ్వే వింటే
ప్రాణం నీకు మిగిలుండేది
బ్రతుకున హితుడుగ ఉండేవాడివి

నా కన్నీళ్ళు నిను తేలేవు
అదితెలిసినా ఈనీళ్ళు ఆగలేవు..

ఆత్ర్యేయ గారు కవిత రాసి పెట్టినందుకు ధన్యవాదములు.

ప్రియా.. నీ కోసమే ఈ నిరీక్షణ...

ప్రియా, నా కంటి నీటి వరద నిన్ను ముంచకూడదని కనులు మూసి ఒక మనవి.

కాలపు కొమ్మల్లో చివురించే క్షణాలు,
వాడి రాలిన క్షణాల్నిచూసి వెక్కిరిస్తే,
నేలవాలినవి నవ్వుకుంటాయేమో,
ఆ పచ్చదనం రెప్పపాటేనని.

ఆశల గుబురు పొదలు, వాటి చిక్కని చివురుకొమ్మలూ,
ఆ కొమ్మల వూగే చిగురుటాకుల కవ్వింపే జీవితానికి కాదా వూపిరి?
నేల చేరిన నిరాశా, నిట్టూర్పుల క్షణాల్ని తాము
చేరమంటూ సేదతీరుస్తాయి, వూరడిస్తాయి, వూరిస్తాయి.

గుండెగూటిలో చేరిన తీపిక్షణాలు కదలి వస్తున్న క్షణం,
వున్నపాటుగా తమది కావాలంటూ తపించి సంబరపెడతాయి.
ఎన్ని విధాలు ఈ చిన్ని క్షణాల గమనాలు నేస్తం?
కంటి రెప్పల కన్నీటి క్షణాలు తామూ మిగలమంటూ జారిపోతాయి.

పెదవి చాటు పద క్షణాలంతే ఇట్టే పరుగిడిపోతాయి.
ఇన్నిటా గుప్పిట పట్టినన్ని స్ఫటిక క్షణాలు దాచిపెట్టాను.
నీకు పంచి నీ ప్రేమని వాటన్నిటా బింబించాలనీ,
నా ఎదురుచూపుల నిదుర కనులకి నెమ్మది అందించాలనీను.

కాలం మరో మారు చివురించక మునుపే నా నిరీక్షణ త్రుంపగ రావా, ప్రియా?

ఉష గారు కవిత రాసి పెట్టినందుకు చాలా థాంక్స్ అండి.

`

.

నారి

click the image to get enlarge

స్త్రీ జన్మ నిచ్చి కష్టాల కొలిమిలో పడవేసినా .....
నీ ముంగిట దివ్వెనై నన్ను వెలిగించుకుంటా ....
నీకూ వెలుగునిస్తా .........ప్రభూ !

కంటి చమురు ఇంధనంగ
గుండె మంటే తన ధనంగ
దిగులు గాలి చేత చిక్కి
ఊత మిచ్చే తోడు కోసం
బ్రతుకు కోవెల మెట్లు జారి
వెలగ గోరెన ఆ నారి ఎవరు ?

.

ము ని

రోదన వానలొ ప్రాణికి ఆశ్రయమిచ్చి

వేదన మంటను జ్ఞానపు జ్యోతిగమార్చి
వేదము ఇచ్చిన స్వేచ్చకు ఆకృతినిచ్చి
పంజర జీవన శైలిని స్వస్థినితెల్పి

యోగము పొందిన జీవది సత్యముతెల్ప


పంజరాన నను నిల్పినా, మనో దృష్టి ఆగునా
ప్రియా నీ జాడ తెలియగా, నిను చేర
నీ తలపుల అలలు నాలో ఉత్తుంగమై చెలరేగగా
మౌనినై నీ తపములో మునిగి
తదేకంగా నే తదాత్మ్యం చెందగ
నన్నాపలేవులే ఏ బంధనాలు

బ్రతుకు నావ !

చుక్కాని లేనిది నా బ్రతుకు నావ,
చుక్కానే నీవై నడుపుతున్నది నీ నావ.
నడిసంద్రాన మన పయనం, నావకే ఎరుకలేని గమ్యం.
యేడేడు లోకాలంటి ఈ యేడేడు భవసాగరాలు,
యెన్నెన్నో మన జన్మల ఎదురీత పడవల్లో,
కలవలేని మనం ఇలా కలిసే సాగుతున్నాం.


తెరచాప తెలియని తెడ్డు పడవ నాది
ఏ దిక్కు కలవని బ్రతుకు గమనము మనది
నీ చూపు చుక్కాని నమ్ముకున్నాను
అది లేని నాబ్రతుకునమ్ముకున్నాను
ఏదారి పోలేక గోదారి నడిమిట్ల
పరువాల నీదారినొదులుకున్నాను
ఏదారి కనరాక ఇక్కట్ల బ్రతుకులో
భారాన ఈ నదిని దాటుతున్నాను

హరి నామ శ్రవణం
హరి నామ స్మరణం
చేయు మనుజునికి
బ్రహ్మజ్యోతి ప్రసాదించు
జ్ఞానామృత ధార

మన అభిమాన నటుడు

ఎర్ర మందారం

@ఆత్రేయ

ఒంటరి బ్రతుకుకి విలువేలేదని
జంటలు కట్టి చేతులు కలిపి
ఒకటై చూపి పూవుగ అమరిన
రెక్కలు చూపిన బాటను సాగు

సఖ్యతలోనే అందం ఉందని
సభ్యత కలిపిన విజయం నీదని
మందారం అది చక్కని గురువుగ
నేర్పిన బాటన ముందుకు సాగు

పూరెకుల కలగొలుపు
పువ్వుకే అందాన్ని తెచ్చిపెట్టె
మతోన్మాదుల మారణ కాండ
దేశానికే చిచ్చుపెట్టె

ఎర్ర మందారం
ఎదకు ఎంతో ఆహ్లాదం
ఉగ్రవాదుల ఉన్మాదం
ఈ దేశానికెంతో విశాదం

పేదగుండెల బ్రతుకు మంటల ఈ అగ్ని శిఖలాలనార్పలేమా?
అడుగడుగునా కూలిపోయే నెత్తుటి చితిమంటలనార్పలేమా?
ఆధునిక మానవుని ఆటవిక అరాచకాన్ని మాన్పంచలేమా?
కలవరింతల జీవితాల్లో ఆనందమందారాలు పూయించలేమా?

(పూరెకుల ఐక్యమత్యం, సర్దుబాటు, చక్కటి క్రమశిక్షణనేర్పే వాటి అమరిక లేదా విన్యాసం వల్ల పరిమళాలు వెదజల్లే పుష్పాల్ని మనంచూస్తున్నాముకదా మరి అలాగే శాంతియుత దేశాన్ని ఐక్యమత్యంతో మనం ఎందుకు పొందలేము? పొందవచ్చని భావన అంతే..:D)

Swami Vivekananda

"You have to grow from the inside out. None can teach you, none can make you spiritual. There is no other teacher but your own soul"

నీ ఆత్మకు మించిన గురువేలేడు
ఆ ఆత్మ సాధనే లక్ష్యమునేడు
శోధన కాంతిలో నిన్ను కనుక్కో
ఆ అంత: కరణతో విశ్వమన్దుకో

ఆత్మ సౌందర్యం ఇంకా గొప్పది.

http://pruthviart.blogspot.com/

సిగలోన కలువెట్టి మణులున్న గొలుసెట్టి
గుండెల్లో గుబులెట్టి మామీద కసిగట్టి
కుంచెమీదన కినుక మామీద చూపెట్టి
చూపుల్ని దాపెట్టె నకటా అందాలపట్టి

ఆత్రేయ గారు, మీ కళా హృదయానికి నమస్కారములు.
ఈ చిత్రానికి చక్కని కవిత నందిన్చినందులకు కృతజ్ఞుడను.

http://pruthviart.blogspot.com/

భర్త ప్రాణము తోనొక ముడి విడి
పుత్రుని శోకము లోనొక ముడి విడి
ఆఖరి ఒకముడి మెడలో దిగబడి
బరువై మిగిలెగ కంటికి ఆ తడి

ఈ చిత్రం హృదయ భాషకు చక్కని భావాన్నితన కవిత లో తెలిపిన ఆత్రేయ గారికి అభినందనములు.

my pencil drawing, బ్రహ్మానందం

స్టిల్ ఫ్రం మూవీ ఆహా నా పెళ్ళంటా..
for more my drawings క్లిక్ http://www.pruthviart.blogspot.com/

గోపాలుడు

బండ కాలితొ తన్ని భామగా మార్చావు
ఒక భార్య నాకంటు గౌతమునకిచ్చావు
ఆనాటి ఆతప్పు దిద్దేందుకా ఇపుడు
చెట్టుకొమ్మకి కాలు మోపు పెట్టావు ?
-ఆత్రేయ

click the picture to get better view

బ్రహ్మానందం

http://brahmifan.com/home/?page_id=156

click the picture and see enlarged ones.

old (1999) my pencil drawings after scanning.
click the picture and see enlarged ones.

ఆశా కిరణము

@ రాధిక గారు,

నినుచేరాలనే ఆరాటం
అందుకే చీకటితో పోరాటం
నీ కన్నుల వెలుగులో నా పయనం
నా నీడే నా సైన్యం

@ ఆత్రేయ గారు
కన్నుల కురిసే వెన్నెల పధమున
రేపటి పున్నమి వెలుగుని కనుగొన
నీడల బ్రతుకును వెనకనె వదిలి
నీకై ముందుకు ఆశగ తరలితి

@ పృథ్వీ, స్వార్థంకొసం, ఒకరి స్నేహాం కోసం, మరొకరి ప్రేమకోసం ఈ జీవన ప్రయాణం చీకటిలో నీడలా గుర్తుతెలియకుండా గడిచిపోవద్దు.. కళలునేర్చి కళాకారుడు కూడా కావొచ్చు, కానీ కష్టసాధ్యమయ్యే పరమపవిత్రమైన ఆత్మవిచారణగావిస్తూ పునర్జన్మరహిత పవిత్రుడు, పుణ్యాత్ముడు, మహాత్ముడు మనిషి కావటానికి నిరంతర అభ్యాసప్రయత్నం జరుపుతూ బ్రతుకును ఆశగా ముందుకు సాగించాలని గీసిన ఈ బొమ్మకు కవితలు చక్కగా కుదిరినాయి. బాగున్నాయి.

మాతృహృదయం

అమ్మ పువ్వులో పరాగ మదిగో
వెచ్చని గుండెలొ పుప్పొడి అదిగో
చల్లని వెన్నెల ప్రేమ సాక్షిగ
తనువును పంచిన దేవత అదిగో

ఆత్రేయ గారు, గీసిన ఆ బొమ్మకు అంతరార్థం అర్థమయ్యేలా, అందంగా, అచ్చతెలుగులో అమృతతుల్యంగా అమ్మను అభివర్ణించారు.

చీకటి క(ళ)ల

అత్మియతలు/అడ్డుగోడలు

కత్తి మహేష్ గారి ‘గోడలు’ కవితకు నా స్పందన

బీటలు వారిన గుండె గదుల్లో
విధి విసిరేసిన నల్ల తెరల్లో
విడివడి పోయిన ప్రేమ జీవులవి
చితికిన ఎడదల రుధిర ధారలవి

Pruthviraj Varma, (నేను గీసిన నా చిత్రం)

క్లిక్ చేసి పెద్దదిగా చూడండి. పెన్సిల్ స్కెచ్ నకు మౌస్ తో నా డ్రాయింగ్ జోడించి కొన్ని రోజులుగా నేను చేసిన ప్రయత్నం.

మైమరుపు జ్ఞాపకాలు-స్నేహాలు

మరిచిపోని ఊసులన్నీ వినిపించెను ఈవేళ
కలిసివచ్చి కల(ళ) లు రేపెను నాలోన
మనసులోన ఒక తీపి గుర్తుగా
నాకు తెలియకుండ మదిలో పూర్తిగా
నిండ నీడ నిచ్చెను, నన్ను పలుకరించెను
సరితూగినాను ఆమె సరసన
విలపించినాను లేని రోజున
ఆమెస్నేహం నా ఊపిరిగా
జతచేరినాను ప్రతిక్షణాన.

స్త్రీ- స్వేచ్ఛ- సీతాకోకచిలుక

`

చల్లని వెన్నెల-అమ్మ

Happy Birthday Yashaswini (Honey)

ఊహల్లో నా చిత్రం

కనురెప్పల స్నేహం

కత్తి మహేష్ కుమారు గారు, సూపర్బ్. నా మనసులోని బావాన్నీ వ్యక్తపరిచారు..ఐ లైక్ ఇట్ వేరి ముచ్. మీకు హృదయపూర్వక అభినందనములు..మీ ప్రతిస్పందనకు నా జోహార్లు. మీ కవితను ఇలా పొందుపరుచుకుంటున్నను నా కళాస్పూర్తి హృదయంలో...:)

నీ కళ్ళల్లో ఎంత స్నేహం !
ఉంటే మాత్రం నాకెందుకు,
చెలిమి కోసం నేనెంత అలమటించినా
కనీసం నువ్వు చెయ్యైనా చాపలేదే?
ఈ స్వార్థపు ఎడారి మధ్యలో
దాహమంటూ ఎంత అరచినా,
నీ కళ్ళవాకిలి దాటి వచ్చి
నేస్తమా! అని నా దప్పిక తీర్చలేదే?
చెయ్యిచాపని చెలిమికి
నీ కారణాలు నీకుండొచ్చు.
నీ కళ్ళలోని స్నేహాన్ని,
గుడ్డిదనుకోవడానికి
నా కారణాలు నాకున్నాయ్!


@ పృథ్వీ,
కలిసిరాని కాలమొకటి కదిలివచ్చెను కోరికోరి
తరిగిపోయెను స్నేహమొకటి మరొకరి ప్రేమ కోరి
జరిగిపోయెను ఇలా జీవితము నా జాగృతము కోరి
మరువలేక మరిచినాను ఆమె మంచి కోరి
ఐనా, విడువ లేక పోతున్నాను ప్రియమైన స్నేహమును కోరి
కాలగర్బపు కటికచీకటి కనిపిస్తున్నది నా కంటి నీరై...

( ఎప్పటికి తోడు నిలిస్తే అది ప్రేమవుతుంది, స్నేహం కాదు. ఎప్పటికీ విడిపోతే స్నేహం కూడా వుండదు. నా కనులను ఎప్పటికీ తెరిచివుంచలేము, ఎందుకంటే అంతా వెలుతురే.. అలాగని ఎప్పటికీ మూసి వుంచాలేను, అంతా చీకటే. అందకారమయం. అలా నా కనులకు కనురెప్పల అవసరం వుంది. నా జీవితానికి నీ స్నేహం అవసరముంది. మనకనురెప్పలస్నేహం ఎప్పటికి నిలిచివుండాలి.)

చెంత చేరిన చెలిమి

గతం గుర్తు తెచ్చుకుంటూ గడిపేస్తున్నాను
మాటలు ఆలకించాలని ఆరాట పడుతు వున్నాను
కానీ మౌనంగా మదిలోనే మెల్లిగా మాట్లాడుకుంటున్నాను
కాలమందు కరిగిపోయిన కోరికవు నీవైనావని
జరిగిపొయిన జీవితాన్ని జాగ్రత్త పరుచుకుంటున్నానని
గతంలొ గుర్తులన్నీ గట్టి దెబ్బలు వేస్తూవున్నా
చెరుపలేక నీ చెలిమిని చెంత చేర్చుకుంటునేవున్నాను.
ప్రాణంగా ప్రేమించినా పేరు మాత్రం ఇంకా చెప్పలేక పొతున్నాను.

ప్రేమించని స్నేహం

ఒకరితోనొకరు పంచుకునే ప్రేమలు కరువైతే
స్నేహానికి ప్రేమకు నిర్వచనాలెందుకు?
అర్థం చేసుకోని మనుషులు మన మద్యవుంటే
అక్షరరూపందాల్చే ఈ ఆలోచనలెందుకు?
విరిగిన మనసులు విలపిస్తూవుంటే
చెంత నిలువని చెలిమి చేతులెందుకు?

చూడాలని ఆశగా వుంది.

చిత్రానికి అద్భుతంగా కవితరాసి స్పందించిన కత్తి మహేష్ కుమార్ గారికి మనస్పూర్తిగా అభినందనలు.

నా కళ్ళ నిరాశ
నుదుటి బొట్టై భాసిల్లుతుంటే,
నా గాజుల సవ్వడి
ఒంటరితనాన్ని పోగొట్టింది.
నా చెపి దుద్దులు
చెంప సిగ్గుల్ని ఆర్పేస్తే,
నా మెడలోని ప్రేమ గొలుసు
నన్ను ప్రేమగా అక్కున చేర్చుకుంది.
వేలికున్న ఉంగరం
బంధాన్ని తెంపుకెళ్ళిన చెలికాడి వేలిముద్రగా మిగిలితే,
నాకు ఆశనీ, దు:ఖాన్నీ నగలుగా వదిలి
ఆనందం మాత్రం చాటుగా తప్పుకుంది.

నేటి ప్రకృతి లోకం

ఆమె ఒక శ్వాసకు నిలయం ఐతే
మన ఆకలి ఖర్చులకు విరివిగా పేల్చేసుకుంటున్నాము
ఊపిరి ఆపకుండా ఆ సిరిని కాల్చేసుకుంటున్నాము.

ప్రకృతమ్మ పచ్చని కన్నుల్లో కన్నీళ్లను తెప్పించి
ఫ్యాక్టరీల పొగలతో బ్రతుకులను ఆర్పేసుకుంటున్నాము.

మండే సూర్యుడికి సైతం మసిపూసేసి
మట్టిలో మంచినీళ్ల కరువు తెప్పించు కుంటున్నాము.

అల్లరి జనానికి కూసే కోయిలలు కరువై
నిద్రలో రాని కలలను నిజము చేసుకుంటున్నాము.
అందమైన రేపటి ఆకారాన్ని మనమే చేర్పేసుకుంటున్నాము.

పలకరింత

పలికరించే నా కవిత
నీ ఎదతీరం దాటుతున్నవేళ
పలుకలేని నీ భావం
నా కల(ళ) ను పలకరిస్తుంటే
మనసు భావాలు నీటి నురుగై తేలుతున్నవి
కలల బాటలు కన్నెమనసులో తూలుతున్నవి

శ్రీ షిరిడి సాయి బాబా

ఓం శ్రీ సాయి నాథాయ నమః

సోనాలి

Big B

Indians one of the evergreen and my favorite great actor

భూమిక

మట్టి దేహాల మనోకాంతి లోకాలు వెలిగించు.

స్నేహం తో ..

రాళ్లలాంటి మనుషులను కూడా కలుపుకునే మీ మనసుకు
నీడల్లావెంటాడే ప్రతిబందకం చుట్టేస్తుందంటే ఎలానమ్మేది.
గాలిపటానికి దారం ఆధారం కాకుంటే సాగేపయనం ఏమవుతుందొ తెలియదా.
బ్రతుకుకు బందం అడ్డువస్తే జీవితం ఎలా నిలుస్తుంది.
తెంచుకుంటే ప్రేమబందం ఎలా అల్లుకుంటుంది.
అందమైన మీ మనసుకు కదిలించే ఈ ఆటుపోటులు తగులునా?
కదలని ఆ మనసుతో ఇలా కన్నీరు కార్చటం మీకు తగునా?
కలసిరాని తోడును కంచెవేసి కట్టుకున్నావు కదా.
మరి దరిచేరిన ఆ దు:ఖం లొ కుమిలిపోతావెందుకు?
నిరాశ వొడిలో, ఈ కన్నీటి వరద ల్లో ఇంకా ఎన్నాళ్ళు?
నా స్నేహపు జడివానల్లో సంతోషపు ఉప్పెనలు కురువనివ్వు.
ప్రియమైన స్నేహంతో మనసునిండా ఓదార్పును కలుగనివ్వు.


కవితకాదిది, ఓ బ్లాగరి కన్నీటి మనోవేదన ఆమె కవితల్లొ వెల్లడించినందుకు నేను రాసిన ఓదార్పు కామెంటు.

సాహిత్

కళను నింపుకొని కన్నుల్లో కళను తెప్పించాను.

అందంగా బొమ్మగీసి నవ్వుల్లో అందాన్ని రప్పించాను.

ముద్దులోలికే ఆ బాలుడి బుగ్గల్లో

తేలికగా ఎర్రటి నిగ్గు చేర్చాను.

పలకరించే ఆ మోము చూస్తూ

అలరించే అద్భుతాన్ని సృష్టించాను.

మేల్కొలుపు

కనిపించిన సత్యాన్ని అనుభవించాలని
అందని ఆధారాన్ని ఆశ్చర్యంగా చూస్తుంటే
ఈ వాస్తవ గాఢనిద్రలో అనుకోని
స్వప్నాలు ఎన్నెన్నో కనిపించాయి.

అంతలోనే ఆకర్షించే అందాలు
అలవాటుగా ఆనందం అందిస్తుంటే
మంచి చెడ్డల నిమ్నోన్నతలను మరుగున పెట్టలేక
ఉద్దీపనల ఆద్యాంతాలను ఆసాంతం చూసాను.

అలోచనల గీతలను
నా ఏకాంతపు హద్దులు దాటించేసి
ఒళ్లంతా కళ్లుచేసి విరబూసి చూస్తుంటే
నిస్పృహతో ఆ అందాలు విసిగేసి చూసాయి.

అప్పుడే నా అంతరంగంలో ఆనందసంవేదనలు
మేల్కొనివున్న నన్ను నిద్రనుండిలేపాయి.

తెలుగు మోనాలిసా

ఈ చిత్రం పై సాహితీయనం నుండి స్పందన కమనీయం.

అతడామేను

నడిచే చందమామ అని

పరచుకొనే వెన్నెలని

నిలచిపోయిన హేమంతమనీ అని వర్ణించాడు.

ఆమె కళ్లను

బటర్ ఫ్లై విప్పారిన రెక్కల ద్వయమనీ

ఆత్మలోక ద్వారాలనీ

రెండు పున్నమిలనీ

మిగిలిన దేహమంతా

ఆ రెండు కళ్లకూ పొడిగింపనీ అన్నాడు.

ఆమె చూపుల్లో

ప్రేమలోక సంగీతముందనీ,

కాంతులీను కరుణా ఝురిలున్నాయనీ,

అమరత్వానికి ఆహ్వానాలున్నాయనీ అన్నాడు

ఆమె మాటలు

నెరళ్లు తీసిన నేల అడుగున

ఉండే విత్తును మొలకెత్తించే ఆర్ధ్రతనీ,.

పరాజితుడిని కూడా అజేయుడిని

చేయగలిగే మంత్రమోహన శక్తులనీ,

తేనె జలపాతాలు కుచించుకుపోయి

పెదవులపై తారాడే శబ్ధతరంగాలనీ,

ఎన్నో అన్నాడు.

అతడామె గురించి చాలా చెప్పాడు.

కానీ ఆమె మాత్రం

ఒక చిరునవ్వు శాపమిచ్చి సాగిపోయింది

తెరచాటు మనిషి కదా!