ఎందుకు?

కవి నెరుగని
కవి భావమెరుగని
కవితలెందుకు?

కంటి విలువ
కన్నీటి విలువ తెలియని
ఏడుపులెందుకు?

చదువునేర్చిన పిదప
బ్రతుకు మార్చని
చదివిన చదువులెందుకు?
చేయగూడని పనుల చేతలెందుకు?

భావమెరిగిన పిదప
బదులివ్వని భావనలెందుకు?

జీవన పథంలో
జ్ఞానాన్ని ఇచ్చే పుస్తకాలుండగ
పనికిరాని దృశ్యకావ్యములెందుకు?

విర్రవీగే భావరహిత జీవిత కథనంలో
అంతులేని ఆశలెందుకు?
అంతుపట్టని అంతమెందుకు?
నీటి బుడగలాంటి మనిషి బ్రతుకెందుకు?