ఉగ్రవాదము ఉదయించిన..,

చదువు మరిచి, స్వార్థపూరిత బుద్ది పెంచి,

కన్నవారి కలలు తుడిచి, కానివారిపై కాలుదువ్వి,

ఇష్టమైన జీవితంను కష్టముల పాలుచేసుకొంటివి.

కడుపునింపని, కడకు చేర్చెటి ఉగ్రవాదము తోడుకోరి,

కలవారి ధనం కొల్లగొట్టి నీతిమాలిన బ్రతుకు బ్రతికి,

వీధి మరిచి, ఊరు మరిచి జనం గుండెలో బగ్గుమంటివి.

కరువుపీడిత ప్రజానికానికి కలతలెన్నో చేరువైనా

కానిపోని మాటపల్కి కనుల ముందే చావుచూస్తివి.

కడవరకు నీవు పోరాడి జైలు గదులు లెక్కపెడ్తివి.

ప్రగతి బాటను రూపుమార్చిడి ‘ఉగ్రవాది’వి నీవైతివి.

కలలు మరిచి, కనులు తెరిచి కన్నీటి చుక్కను నీవు కార్చితివి.